Ұлытау облысының орталығында 4 қабатты сауда, ойын–сауық орталығын салу жобасы жүзеге асырылып жатыр. Қазір құрылыстың жерін дайындау жұмыстары жүргізілуде. Жоба «Ұлытау» әлеуметтік-кәсіпкерлік корпорациясы арқылы жүзеге асуда.
Жалпы ауданы 23 000 шаршы метр болады, оның 13 000 шаршы метрі жалға берілмек.
Сауда орталығының бірінші қабатында азық-түлік базары, екінші және үшінші қабаттарында тұрмыстық техника, сауда галереясы мен спорт тауарлары, балалар тауарлары, фудкорт және кафе болады. Ал, төртінші қабатқа кинотеатр және балаларға арналған
ойын-сауық орталығы жоспарланған. Жерасты автотұрағы барлық келушіге ыңғайлы тұрақ қамтамасыз етеді.
Жоба аясында 120 уақытша және тұрақты жұмыс орындар ашылады.
Құрылыс мерзімі – 18 ай.
Ай НУРИ.
