«Қазақмыс» Холдинг деңгейінде өндіріс жастарының басын бір арнаға тоғыстырған «JastarBolashaq» Жастар одағы еңбеккерлер арасында салауатты өмір салтын насихаттауда түрлі спорттық шаралар өткізуде.
Жақында одаққа қарасты «Қазақмыс Мэйнтенанс Сервисиз» ЖШС-ндегі Жастар одағы кәсіпорын жұмысшыларының арасында билярдтан турнир ұйымдастырды. Оразаға дөп түскен ойынға қатысушыларға ұйымдастырушылар ауызашар берді. Одан соң жалынды жастар ойынды бастап кетті. Сайдың тасындай іріктелген он еңбеккер бір-біріне оңайлықпен дес бермеді. Ондықтың қатарынан оза шапқандар алғашқы үштікке ілігіп, жүлделерге ие болды.
Турнирдің үшінші орынын Ақжол Октябрь иеленсе, Руслан Әшенов екінші орынды еншіледі. Бірінші орынның тұғырынан Әнуар Сәуленбеков көрінді. Ақшалай жүлдеге ие болған үш азамат жеңіспен тапқан жүлделерін қайырымдылыққа жұмсамаққа бел буды. Осылайша, билярд ойыны жастардың спорттағы белсенділігін арттырды.
Бағдат ҚАЗКЕНОВ.
