Өткен жылы өңірде тағы бір ауқымды жоба өз жұмысын бастаған болатын. Ол – қанаттас қос қала Жезқазған мен Сәтбаев қалаларының аумағында бой көтеріп жатқан жел электр станиясының құрылысы.
Баламалы қуат көздері – келешектің кепілі. Аталған ретте аймақта жаңартылған энергия көздерін дамыту үшін жаңа жоба іске қосылады. Жобаның негізгі инвесторы – «Mezgilder Qushteri» ЖШС.
– Жоба құны 24,5 млрд құрайды. Қазіргі таңда бұл жерде қосалқы станция тұр. Бүгінде оның жұмыстары аяқталды. 16 шақырым электр желілері тартылды. Жезқазған қаласының шекарасында 16 жел діңгектері орнатылатын болады. Қазіргі уақытта 2 жел діңгегі орнатылды, – дейді Сәтбаев қалалық кәсіпкерлік және ауыл шаруашылығы бөлімінің басшысы Ерлан Орманов.
Орайы келгенде айта кетейік, мұндағы жел турбиналарының жалпы биіктігі 120 метр. Құрылыс барысында 50 жұмыс орны ашылады, ал, құрылыс аяқталғаннан кейін жел электр станциясына қызмет көрсету үшін 11 адам тұрақты жұмыспен қамтылмақ. Жоба 2025 жылдың маусымында пайдалануға беріледі деп күтілуде.
Сондай-ақ оқыңыз
Гүлім МАРАТҚЫЗЫ.
