«Қазақмыс Холдинг» ЖШС Балқаш өндірістік алаңының құрылымдық бөлімшелері қызметкерлерінің 8-14 жасаралығындағы 300-ге жуық баласы Қазақстанның ең әдемі орындарының бірі – Бурабайда демалатын болады.
Жас балқаштықтар үшін бәрі ертегідегідей саяхаттан басталады. Балқаштан арнайы автобустармен саяхатшылар Сарышаған станциясына, ал одан әріп ойызбен «Эдельвейс – Бурабай» балалар сауықтыру лагеріне барады. Онда әртүрлі жастағы балалар жаздың бір бөлігін қызықты, көңілді және ұмытылмастай өткізеді. Олардың достары – күн, ауа, су және Бурабайдың сұлулығы болады.
«Қазақмыс» өсіп келе жатқан ұрпақтың денсаулығы мен дамуына үлкен көңіл бөледі және компания үшін жыл сайын балалардың сауықтыру лагерьлеріне жолдамалар сатып алу өз қызметіндегі басым міндеттердің бірі болып табылады. Бес жыл ішінде (2015-2019 жылдар) Қазақстанның балалар сауықтыру лагерьлерінде ата-аналары компанияда жұмыс істейтін 3520 бала демалып, денсаулығын түзетті, ал биыл «Эдельвейс – Бурабай» сауықтыру балалар лагерінде 6 дүркін холдинг қызметкерлерінің 1450 баласы демалады.
Бұдан басқа, «КәсіпҚорған» кәсіподағы Балқаш филиалының желісі бойынша «Қазақмыс Холдинг» ЖШС кәсіпорындары мен Балқаш алаңы бойынша аутсорсингтік компаниялар қызметкерлерінің 260 баласы Балқаш маңындағы ең әдемі жерлердің бірі – «Бектау-Ата» шатқалында және Балқаш көлінің жағасында орналасқан «Жасқанат» балалар лагері мен республикалық «Балдәурен» оқу-сауықтыру орталығында демалатын болады.
Бағдат АЙТӨРЕҰЛЫ.
