Ұлытау облысында көктемгі су тасқыны кезінде үйлердің су астында қалуына себепші болған басшыларға қатысты тергеу аяқталды. Лауазымды тұлғалар «Жезді өзенін санациялау» жобасы шеңберінде тиісті түрде жұмыс атқармаған.
Тергеу барысында құрылыс нормаларының дұрыс орындалмағаны және жобалау құжатта-
масынан ауытқулар бары анықталған. Бұл олқылықтар салдарынан Жезді өзенінің су өткізу қабілеті төмендеген. Облыстың табиғи ресурстар басқармасының басшысы бұл жұмыстардың орындалу барысын қадағаламаған. Іс жүзінде дұрыс жүргізілмеген жұмыс актілеріне қол қойған. Сонымен бірге техникалық және авторлық қадағалаушылар да құрылыс орнына бармастан, орындалған жұмыстардың актілеріне қол қойып бергені анықталған. Қылмыстық істің материалдары сотқа жіберілді.
Басшылардың шала жұмысының нәтижесінде көктемгі су тасқыны кезінде 10 үй суға кеткен. Сонымен бірге су тасқыны кезінде Ұлытау облысы Жезді кентіндегі 24 үйден 108 адам, оның ішінде 56 бала эвакуацияланған еді.
Гүлім МАРАТҚЫЗЫ.
Сондай-ақ оқыңыз
