«Қазақмыс» корпорациясы» ЖШС еңбеккерлерінің «JastarBolashaq» Жастар одағы – жұмысшы жастардың басын бір арнаға тоғыстырып, оларды ынталандыру мен жұмыстан тыс уақыттарын тиімді өткізуде өзіндік бағдарламасы қалыптасқан ұйым.
Жастардың сұраныстарына орай Жастар одағының өндіріс орнындағы ұйымдарында түрлі мәдени-спорттық шаралар ұйымдастырылады. Әсіресе, спорттық бәсекелерге қатысушы жастардың қатары қалың. Жастар ұйымы заманауи ойын түрлерін де кеңінен насихаттап, өз мүшелерінің белсенділігін арттыруда.
Жақында «JastarBolashaq» Жастар одағының электр жабдықтарына энергетикалық қызмет көрсету басқармасының телімдері арасында киберспорттық тәртіпте «Contur-Srtaike 1.6» турнирін өткізді. Компьютер арқылы ойналатын бұл бәсеке командалық негізде жүргізілді. Ойын нәтижесінде бірінші орынды Оңтүстік Жезқазған кеніші №65 шахтаның телім құрамасы жеңіп алса, екінші орынды «Батыс» кеніші №73 шахтаның командасы еншіледі. «Қарашошақ» кенішінің телім құрамасы үшінші орынды иеленді. Бұл турнир еңбеккер жастарды жігерлендіріп, жеңіске деген ұмтылыстарын нықтай түсті.
«Қазақмыс» деңгейінде жастар саясатын жүзеге асыруға бағытталған мұндай шаралар «JastarBolashaq» Жастар одағының ықпалымен алда да жүзеге аса береді.
Бағдат ҚАЗКЕНОВ.
