Египеттің Шарм-эль-Шейх қаласында жақында 8, 10 және 12 жасқа дейінгі балалар арасында шахматтан әлем чемпионаты өтті. Бұл үлкен дода жас шахматшылар үшін негізгі және ең беделді жарыс болып табылады.
Шахмат академиясы тобының оқушылары Жансай Әбдімәлік, Данис Қуандықұлы «10 жасқа дейінгі» санатта өнер көрсетті. 11 турдың қорытындысы бойынша Данис бірде-бір партиядан ұтылмай 9 ұпай жинады, 7 мәрте жеңіске жетіп, 4 мәрте қарсыластарымен тең түсті. Соңғы кестеде Данис АҚШ, Ресей және Қытайдан келген ең мықты шахматшыларды басып озды.
Данис Қуандықұлының жетістігі қазақстандық шахмат үшін тарихи оқиға, өйткені ұлдар бұған дейін әлем чемпионаттарында алтын алған емес.
10 жастағы зияткер спорт шеберіне кандидат және өзінің жас санатында Алматы мен Қазақстанның қазіргі чемпионы болып табылады.
«Қазақмыс» корпорациясы» ЖШС Алматы қаласы шахмат федерациясының демеушілерінің бірі болып табылады. Қазір компания басшылығы Ұлытау және Балқаш облыстарында шахмат академияларын ашуды жоспарлап отыр.
«Қазақмыс» корпорациясы» ЖШС баспасөз қызметі.
