«КәсіпҚорған» кәсіподағының «KasipQorgan» мобильді қосымшасын іске қосқалы қосымша арқылы кәсіподақ мүшелеріне қызмет көрсетуші серіктестердің қатары ұлғаюда. Ендігі жерде осы қосымша арқылы жеңілдікпен «Invivo» медициналық зертханасының қызметін қолдана алады.
Бұл зертхана елімізде 2007 жылдан бері жұмыс істеп келеді. Бүгінде оның ел аумағы бойынша 500-ге жуық бөлімшелері бар. Зертхана қолжетімді бағада сапалы зерттеу жүргізуді көздейді. Стандартқа сай зертхана диагностика және алғашқы медициналық көмек көрсетуді жолға қойған.
Жезқазған, Сәтбаев қаласында тұратын «КәсіпҚорған» кәсіподағының мүшелері үшін зертхана қызмет көрсетуге пейіл танытты. Зертхананың қызметін жеңілдетілген түрде «KasipQorgan» мобильді қосымшасы арқылы ала аласыздар.
Бағдат ҚАЗКЕНОВ.
