«Қазақмыс Мэйнтенанс Сервисиз» ЖШС құрамындағы кен-шахта жабдықтары зауыты осы төңіректегі «Қазақмыс» корпорациясының өндіріс ошақтарына қажетті жабдықтар дайындаумен шұғылданатын шежірелі тарихы қалыптасқан кәсіпорын.
Зауыт басшылығы мен ұжымы оның аумағын абаттандырып, көгалдандыруға ерекше мән береді. Өндіріс ошағының директоры Алмас Айранбаев бастаған еңбеккерлер аумақта өздерін жайлы, кең тынысты сезінулері үшін барлық жағдайды жасауда. Зауыттың аумағын құдды бір ботаникалық бақ деп қаларыңыз сөзсіз.
Әкімшілік-тұрмыстық кешен меңгерушісі Любовь Эйферт, телім басшысы Шыңғысхан Баймұқан мен ондағы еңбеккерлер биыл ауланы көгалдандыруға баса көңіл бөлді. Оларды суару, баптау да еңбеккерлердің өз күшімен жүзеге асады. Зауыт аумағындағы субұрқақ та ми қайнатып тұрған ыстықта көпшілікке салқын леп беріп тұр. Маңайын гүл көмкерген зауыт мұнда келушілерге де жағымды әсер қалдыруда. Осындай игі істі жүзеге асырған зауыт ұжымының бастамасы өзгелерге де үлгі болары хақ.
Бағдат ҚАЗКЕНОВ.
Сондай-ақ оқыңыз
