«Қазақмыс» корпорациясы» ЖШС «Жезқазғантүстімет» ӨБ Бас геологінің орынбасары Талғат Военнұлы Матишев Геолог күнінде «Құрмет» орденімен марапатталды.
Талғат Военнұлының геологиядағы 30 жылдық еңбек жолы тау-кен жұмысшысы, жер асты скважинасын бұрғылаушыдан басталған болатын. Ол Оңтүстік Жезқазған кеніші, «Батыс» кеніші мен «Анненск» шахтасының бас геологы дәрежесіне дейін өсті.
Бүгінде Талғат Матишев корпорацияның Қарағанды аймағы бойынша өндірістік нысандарына басшылық жасауда. Мемлекеттік марапатқа ие болған Талғат Военнұлы бұл орденді геологиядағы еңбегінің нәтижесі деп біледі.
Бағдат ҚАЗКЕНОВ.
