Пайдалы қазба көздерін ашуда «Kazakhmys Barlau» салаға халықаралық әріптестерді тартуға ниетті. Геологиялық компанияның бұл ұсынысына бірнеше халықаралық ұйымдар қызығыушылық танытуда.
Astana Mining & Metallurgy XIII Халықаралық тау-кен металлургия конгресінде «Kazakhmys Barlau» басшылығы әлеуетті шетелдік әріптестермен бірқатар кездесулер өткізді. Компания ҚР геологиялық барлауға инвестициялар тартуды өзінің басымдықтарының біріне қояды.
«Біз еліміздің тұрақты өсуі мен дамуын қамтамасыз ету, сондай-ақ болашақ ұрпақ үшін табиғи ресурстарымызды сақтау үшін озық технологияларды қолдана отырып және әлемдік компаниялармен ынтымақтаса отырып, осы бағытта жұмыс істеуді жалғастырамыз», – деді компанияның бас директоры Ғалым Нұржанов.
Бұл саланы дамыту мақсатында «Kazakhmys Barlau» ірі әлемдік компаниялармен келіссөздер жүргізуде. Ғалым Нұржанов Teck Resources және B2gold Corporation (Канада) тау-кен концерндерінің өкілдерімен, Dassault Systemes (Франция) тау-кен өндіру саласына арналған бағдарламалық өнімдерді әзірлеушілермен, OneWeb (Ұлыбритания) халықаралық спутниктік байланыс компаниясымен кездесті. Тараптар ынтымақтастыққа қызығушылық танытты.
Әлеуетті серіктес компаниялардың өкілдері «Kazakhmys Barlau» нысандарында болды. Геологиялық кластерде және Жезқазған кен орнында first Quantum Minerals бизнесті дамыту жөніндегі басшылары, ал Rio Tinto австралиялық-Британдық концернінің қызметкерлері Жезқазған кен орындарында және Ұлытау облысындағы Жыланды тобында болды.
Ел Президенті Қасым-Жомарт Тоқаев аталмыш саланың инвестициялық тартымдылығын арттырудың маңыздылығына назар аударуда. Ол Үкіметке 2025 жылға қарай өңдеу өнеркәсібінің экспортын 1,5 есеге, 24 миллиард долларға дейін, ал еңбек өнімділігін 30%-ға арттыру міндетін қойды. Ол үшін инвесторлардың сапалы геологиялық ақпаратқа қолжетімділігін кеңейту және тиімді Ұлттық геологиялық қызметті құру қажет. Ол ашық цифрлық дерекқорды құруды және оған инвесторлардың қол жеткізуін қамтамасыз етуді тапсырды.
«Қазақмыс» корпорациясы» ЖШС баспасөз қызметі.
