Аймағымызда 36 жыл оқырманның қолынан түспей келе жатқан, өндірісті өңірдің жаршысы – «Мысты өңір» газетін отбасымызбен алып, оқимыз.
Басылымда корпорацияның еңбек адамдарының жетістіктерімен қатар, өңірдің де жаңалықтарын, өзекті дейтін мәселелерді көтеріп жатқанына қуанамыз. Қазір жазылу науқаны жүріп жатқан тұста «Мысты өңір» газетіне жазылу ақысын үйде отырып-ақ төлеу жүйесі мүлде жеңілдей түсті.
Атап өтерлік ерекшелік, күнделікті қолданып жүрген «Kaspi.kz» қосымшасы арқылы 1 жылға немесе 6 айға QR-кодпен жазылуға жағдай қалыптасты. Оның артықшылығы редакцияға бармай-ақ, уақытыңызды үнемдеп сүйікті басылымға қол жеткізе аласыз. Заманауи технологияның тиімді тұстарын қолданысқа енгізген «Мысты өңір» газетінің ұжымына шығармашылық табыс тілеймін! Барша өңір тұрғындарын осы мүмкіндікті жіберіп алмай, «Мысты өңірге» жазылуға шақырамын. «Мысты өңір» әр шаңырақта болсын!
Дана Әбжанова,
Сәтбаев қаласының тұрғыны.
