Жезқазған жылумен, сумен жабдықтау кәсіпорнындағы «КәсіпҚорған» кәсіподағы комитетінің төрағасы Айгүл Түсіпбаева 2021-2022 жылдардағы жылу беру маусымында ерекше көзге түскен еңбеккерлерді құрметтеді.
Олардың қатарында электр-газбен дәнекерлеушілер Ардақ Байсарин, Юрий Шорин, слесарь Валерий Беляев бар. Жылу беру маусымында табандылықпен еңбек етіп, қаланы жылумен қамтамасыз етудегі еңбектеріне алғысын білдірген Айгүл Мәлікқызы қарапайым еңбек адамын кәсіподақ әрқашан қолдайтындығын жеткізді.
Сонымен қатар, төраға кәсіпорынның трактор жүргізушісі Жақып Нұрмағанбетов пен жетекші экономист Гүлбақыт Беспалаеваны еңселі елу жасымен, автожүргізуші Төлеген Айдарбековті зейнет жасымен құттықтады.
Бағдат АЙТӨРЕҰЛЫ.
Сондай-ақ оқыңыз
