Елімізде қыркүйектің соңғы жексенбісінде аталып өтілетін Еңбек күніне орай «Нұрқазған» кенішінде еңбек озаттары ұлықталды.
Кеніштегі «КәсіпҚорған» кәсіподағы комитетінің төрағасы Айбын Арынғазинов персонал жөніндегі бөлім мен жалақы және диспетчерлік бөлімдердің қызметкерлерін құттықтап, марапаттады.
– Еңбек адамына деген құрметтің белгісі ретінде мен сіздерді кәсіподақ пен кеніш басшылығының атынан Еңбек күнімен құттықтаймын. Кен өндіру саласында еңбек етіп, ел экономикасына өлшеусіз үлес қосып жүрген әрбір азаматқа деген құрметіміз шексіз, – деді комитет төрағасы.
Сонымен қатар, Айбын Сәтбекұлы ұжым қызметкерлеріне кеніш директоры Мұқан Үңгітбаевтың құттықтауын жеткізіп, олардың еңбегіне табыс тіледі.
Бағдат АЙТӨРЕҰЛЫ.
