Сондай-ақ оқыңыз
«Қазақмыс» корпорациясы мен кәсіподақ ұйымдарының арасындағы 2025 – 2029 жылдарға арналған «Ұжымдық шартта» жұмысшылардың еңбек жағдайында туындаған мәселелерін дер кезінде шешіп, қолдау білдіруге екі тарап уағдаласқан болатын.
Осы негізде «КәсіпҚорған» кәсіподағы еңбек адамының жағдайын барынша жақсартуға көңіл бөліп отыр. Қарағанды өндірістік аймағында ірі кен орны саналатын «Нұрқазған» кенішіндегі «КәсіпҚорған» кәсіподағы комитеті кейбір телімдердің жұмысшыларының өтініші бойынша телімге тоңазытқыш алып берді. «Жұмыс беруші мен жұмысшы арасындағы дәнекер саналатын ұйымның еңбек ұжымдарына жасаған бұл шарапаты еңбеккерлердің жұмысқа деген ынтасын арттырғаны сөзсіз», – дейді комитет төрағасы Айбын Арынғазинов.
Бағдат ҚАЗКЕНОВ.
