«Қазақмыс» корпорациясы» ЖШС құрылымдарындағы, әсіресе шахталардағы электр жабдықтарына қызмет көрсетуші ірі құрылым электр жабдықтарға сервистік қызмет көрсету басқармасында энергетиктердің кәсіби мерекесі мен жыл қорытындысына арналған жиын ұйымдастырылды.
Басқарма басшылығы мен ондағы «КәсіпҚорған» кәсіподағы комитеті бірлескен жиында еңбек озаттарына құрмет көрсетілді. Оған «КәсіпҚорған» кәсіподағы Жезқазған филиалының бас техникалық инспекторы Шәкен Кененбаев қатысты. Өндірістің тоқтаусыз жүруіне үлес қосқан Виктор Зигерт «Еңбек ардагері» медалімен марапатталды.
«КәсіпҚорған» кәсіподағы тағайындаған «Кәсіподақтың Құрметті қайраткері» төсбелгісін Мейірхан Есентай, Досан Қаражанов, Бейсенбай Әубәкір, Ләззат Көкенова омырауына тақты. Оспан Лабаков, Оразбек Мизамбаев «Еңбек озаты» төсбелгісіне ие болды.
Сондай-ақ, еңбекте епті энергетиктерге «КәсіпҚорған» кәсіподағы төрағасының Құрмет грамотасы және Жезқазған филиалы төрағасының Алғыс хаты табысталды.
Сондай-ақ оқыңыз
Биылғы жылы энергетика басқармасының энергетиктері жемісті еңбек көрсетіп, ерледі.
Бағдат ҚАЗКЕНОВ
