Тәуелсіз еліміздің дамуында өзіндік үлесі бар геологтардың еңбегінің арқасында тау-кенөндірісі жылсанап қарқын ала түсуде. Сәуірдің алғашқы жексенбісі – Геолог күні.
Бұл кәсіби мерекені тойлауды сәуір айына белгілеудің де өз сыры бар. Сәуір айы қыс қаһары қайтып, жер тынысы кеңіп, жазғы маусымдық жұмысқа дайындықты бастап, экспедицияларға шығуға лайықты кезең. Жер қойнауына түрен салып, қазба байлықты ел игілігіне жарату жеңіл мамандық емес. Өйткені, олардың кәсіби тірліктерінің басым бөлігі іздеу, табу жолында өтеді. Геологтардың еңбек жолы қилы да ауыр. Соған қарамастан ен байлыққа жол ашқан геологтардың мұқалмас жігері, қайтпас қайсарлығының арқасында кеншілер қауымы тонналап кен өндіруде.
Содан да кәсіби мерекеде сала майталмандарына деген құрметтің ерекше екендігін байқалып тұрады. «КәсіпҚорған» кәсіподағы Жезқазған филиалына қарасты кәсіподақ комитеттерінің төрағалары кеніштер мен «Жезқазғантүстімет» ӨБ-нің қарамағындағы геологиялық барлау басқармаларының қызметкерлерін құттықтап, саланың дамуына қосқан үлестері үшін кәсіподақ атынан марапаттады.
Ен байлыққа жол ашқан геологтарды «КәсіпҚорған» кәсіподағы Жезқазған филиалының аппарат жетекшісі ЖанарСалықова салтанатты жағдайда құттықтап, филиал атынан сый-құрмет көрсетті.
Бағдат ҚАЗКЕНОВ.
