Еліміздің осы айрықша мерейтойына орай Алғашқы құрылысшылар алаңында мерекелік концерт өтті. Сондай-ақ, мереке барысында қала тұрғындары мен қонақтарына, жергілікті шеберлердің сәндік-қолданбалы шығармашылығының суреттері мен бұйымдарының көрмесі ұсынылды.
Елдордаға арналған концерт 20 жетігенші мен 100 домбырашының күмбірлеген күйімен салтанатты түрде ашылды. «Қарақат» мектеп студиясының вокалды тобы мен «Арт дэнс» бишілер тобы мерекелік кешті одан әрі жандыра түсті. Мерекелік іс-шарада музыкалық және хореографиялық ұжымдар ғана емес, кәсіби әртістер де өнер көрсетті. қазақстандық эстрада әншілері Ұланғасыр Қамиев пен Сәкен Әлімханов көрермендерді өз өнерлерімен қуантты.
Өнерпаздардың арасында «Қазақстан дауысы. Балалар» тележобасында облысымыздың атынан өнер көрсеткен жерлесіміз Ердос Әбләшім де болды.
Мерекелік кеш кітапхана, сурет көрмелерімен жалғасты. Қолөнер шеберлері қолдан жасалған сәнді бұйымдар көрмесін ұйымдастырып, жас суретшілер шеберлік сағатын өткізді. Концертке келген қала тұрғындары мен қонақтары дарынды әртістердің өнерін жоғары бағалады. Отанымыздың жүрегі, Еуразия орталығы. Әрбір қазақстандық үшін ол қарқынды ілгерілеудің, Тәуелсіздік пен бірліктің символымен теңдес. Жайнай бер, жас қалам, Астанам!
Сондай-ақ оқыңыз
Гүлім МАРАТҚЫЗЫ.
