ҚР Парламенті Мәжілісінің депутаттарын кезектен тыс сайлаудың қорытындысы аумақтық және округтік сайлау комиссиялары хаттамасы негізінде дүйсенбі, 27 наурызда шығарылған болатын.
Нақтыланған тізімдерге сәйкес сайлаушылардың жалпы саны 12 миллион 035 мың 578 адам болды. Партиялық тізім бойынша сайланатын 69 депутатқа барлығы 6 миллион 366 мың 441 адам дауыс берді. Сайлаушылар дауысы былай бөлінді: «Ақжол» Қазақстан демократиялық партиясына – 535 139 (8,41%), «AMANAT» саяси партиясына – 3 431 510 (53,90%), «Ауыл» халықтық-демократиялық патриоттық партиясына – 693 938 (10,90%), Жалпыұлттық социал-демократиялық партиясына – 331 058 (5,20%), Қазақстанның «Байтақ» жасылдар партиясына – 146 431 (2,30%), Қазақстан халық партиясына – 432 920 (6,80%), «Respublica» партиясына – 547 154 (8,59%), бәрінеқарсы – 248 291 (3,90%). Осылайша, «Ақжол» Қазақстан демократиялық партиясы – 6, «AMANAT» саяси партиясы – 40, «Ауыл» халықтық-демократиялық патриоттық партиясы – 8, Жалпыұлттық социал-демократиялық партиясы – 4, Қазақстанхалықтықпартиясы – 5, «Respublica» партиясы 6 депутаттық мандатқа ие болды.
Сондай-ақ, Орталық сайлау комиссиясы отырыс шеңберінде аудандық сайлау комиссияларының хаттамалары негізінде бір мандаттық аумақтық сайлау округтері бойынша сайланатын ҚР Парламенті Мәжілісінің VIII сайланымыдепутаттарынсайлау нәтижелері туралы тиісті құжаттарды бекітті. Бір мандаттық аумақтық сайлау округтері бойынша Парламент Мәжілісінің мандатына ие болған 29 депутаттың арасында Ұлытау облысынан №28 сайлау округінде депутаттық додағатүсіп, сегіз үміткердің қатарынан қара үзіп шыққан ЕрболатСатыбалдин бар.
Ел сенімін иеленген Ерболат Жалғасбайұлына жемісті еңбек тілейміз!
***
Аумақтық сайлау комиссиясы бір мандатты округтерден Ұлытау облыстық мәслихатына 40 үміткердің арасынан басым дауыспен депутат болып сайланғандардың тізімін жариялады.
Олар: №1 сайлау округінен – Гүлмира Каженова, №2 сайлау округінен – Аяна Мүкеева, №3 сайлау округінен – Еркебұлан Бодықов, №4 сайлау округінен – СиларҚияқбаев, №5 сайлау округінен – Светлана Жумкина, №6 сайлау округінен – Абзал Жиенбаев, №7 сайлау округінен – Мұхтар Бақбергенов, №8 сайлау округінен – ЕржанТоқымбаев, №9 сайлау округі – Алия Аяпбергенова; №10 сайлау округінен – Артем Ким; №11 сайлау округінен – Жәнібек Рыспеков, №12 сайлау округінен – Қанат Мұқанов, №13 сайлау округінен – Мұрат Мәткенов.
Дауыс беруге қатысқан сайлаушылар дауысының 5 және одан көп пайызын алған саяси партиялар үшін облыстық мәслихатқа депутаттық мандаттар былайша бөлінді: «Amanat» партиясы – 8 мандат, «Ауыл» халықтық-демократиялық патриоттық партиясы – 2 мандат, Қазақстанның «Байтақ» жасылдар партиясы – 1 мандат, «Ақ Жол» Қазақстанның демократиялық партиясы – 2 мандат.
Әлібек ӘБДІРАШ.
