Қалалық әкімдік ғимаратында облыстағы экологимялық жағдайларды зерттеу жұмыстары бойынша құрылған арнайы комиссияның кезекті отырысы өтті.
Төтенше экологиялық жағдай аймағы немесе экологиялық зілзала аймағы деп жариялау болжанатын аумақты зерделеу комиссиясының жұмысы қоғам назарында. Аталған комиссия жиынына комиссия мүшелерімен бірге халық қалаулылары, белесенді азаматтар қатысты.
– Комиссия ауқымды жұмыстар атқарып жатыр. Қазіргі уақытта үйден алынған шаңды, ауа мен суды да зерттеп, өсімдіктер мен жануарлар әлемін де зерттеудеміз, – дейді «Экосервис С» ЖШС Ұлытау облысы бойынша директоры Ерлан Садуақасов.
Орайы келгенде айта кетейік, облыстық комиссияның жиыны айына бір рет ұйымдастырылып тұрады. Қоғамдық талқы енді шілде айында болады.
Гүлім МАРАТҚЫЗЫ.
