Қалалық әкімдікте діни бірлестіктер клубының 2024 жылғы қорытынды отырысы өтті. Клуб мүшелері жыл бойы атқарылған жұмыстарды саралап, өзара пікір алмасты, сондай-ақ діндер арасындағы қарым-қатынастар мәселелерін талқылады.
Ұлытау облысында діни бірлестіктер клубы өткен жылдан бері жұмыс істеп келеді. Клуб құрамында ресми конфессиялардың 8 өкілі бар. Оның басты мақсаты – діни мәселелер бойынша ашық пікірталас алаңын құру, конфессияаралық қарым-қатынастарды дамыту және облыс тұрғындары арасындағы діни түсіністікті нығайту. Жиында діни көшбасшылар Қазақстанның бірегейлігін нығайту мақсатында бірлескен жұмыстарды жалғастыру қажеттігін айтты.
Клуб мемлекеттік органдармен, діни және басқа да қоғамдық ұйымдармен, сондай-ақ аймақтық деңгейдегі үкіметтік емес ұйымдармен ынтымақтастықта жұмыс істейді. Өткен жылдың ішінде клуб мүшелері түрлі қоғамдық шаралар мен кездесулер ұйымдастырды, сондай-ақ көктемгі су тасқынынан зардап шеккен тұрғындарға қайырымдылық көмек көрсетті.
Отырыс қорытындысында діни және қоғамдық өмірді дамытуға қосқан елеулі үлесі үшін облыс конфессияларының жетекшілеріне марапат табысталды.
Сондай-ақ оқыңыз
Гүлім МАРАТҚЫЗЫ.
