Кибералаяқтар неге күшейіп кетті? Азаматтар неге мән беруі керек? Ұлытаулық полицейлер интернет алаяқтықпен күресу мақсатында ауқымды челлендж бастады.
Полиция қызметкерлері өздері тұратын аумақтағы әр үйге барып, тұрғындарға алаяқтықтың кең тараған түрлері туралы айтып, жадынамалар таратып жүр.
– Полиция қызметкерлері маған көрішелрге айт деп осындай челлендж тастады. Енді айтып жүретін боламын. Қазір өзі алаяқтар көбейіп кетті ғой. Полиция қызметкерлеріне көп рақмет, бізге әрдайым келіп айтып жүреді, – дейді қала тұрғыны Ләззат Нұрасылова. .
Тәртіп сақшылары әрбір тұрғын өздерін онлайн кеңістікте қауіпсіз ұстаудың тәсілдерін білуі керек дейді. Бастаманы халықпен етене жұмыс жасайтын денсаулық сақтау, төтенше жағдай және білім саласының қызметкерлері де қолдап отыр. Себебі, өңірде интернет алаяқтық әлі тиылмай тұр. Өткен жылы бір ғана Жезқазған қаласы бойынша 70-ке жуық адам киберқылмыстың құрбаны болған.
– Біздің мақсатымыз бүкіл халық түсінсін, көрсін деген ой. Өз күшімізбен қаланың 25-30 процентін ғана қамти аламыз. Сол себептен челленджді бастап басқа мекемелерге беріп жатырмыз, – дейді Жезқазған қалалық полиция бөлімінің бастығы Алмаз Хамитов
Сондай-ақ оқыңыз
Ал, облыстық көпбейінді аурухана директорының орынбасары Шахрух Юлдашев интернет алаяқтыққа қарсы челленджді полиция қызметкерлерінен қабылдап алғанын айтады.
– Осы ақпаратты енді көршілерге, науқастарға және әріптестерге жеткізуге тырысамыз, – дейді ол.
