«Қазақмыс» Холдингінің құрамындағы барлық құрылымдарда жастар саясатын жүзеге асырып отырған «Қазақмыс» корпорациясы» ЖШС еңбеккерлерінің «Jastar Bolashaq» Жастар одағы өндірісті өрге бастар жастарды қолдауда тың стратегиялық бағдарламасы қалыптасқан ұйым.
Жастар одағының негізгі бағыттары жұмысшы жастарды қоғамдық, мәдени-спорттық шараларға баули отырып, олардың қабілеттерін шыңдау болып табылады. Әсіресе, бұқаралық спортты нығайтып, салауатты өмір салтын насихаттаудағы «Jastar Bolashaq» Жастар одағының атқарып отырған шаралары маңызды. Осы орайда ұйымның ұйымдастыруымен жақында электр жабдығына сервистік қызмет көрсету басқармасының еңбеккерлері арасында боулингтен турнир өтті.
Басқарма еңбеккерлерінің бұл спорт түріне деген қызығушылығын арттыру ниетінде ұйымдастырылған жарыста еңбеккерлер қабілеттерін байқатты. Турнирдің бірінші орнын Алмаз Мүбараков жеңіп алса, Қаныш Бәрекенов екінші орынды еншіледі. Олжас Сағынбаев үшінші орынмен марапатталды. Сондай-ақ, турнирде ерекше ойын көрсеткен Әмір Сұрбаев арнайы номинацияның иегері атанды.
Бағдат ҚАЗКЕНОВ.
