Еліміздегі ірі кәсіподақ құрылымы саналатын тау-кен, металлургия және аралас өндіріс еңбеккерлерінің «КәсіпҚорған» кәсіподағы – республикадағы ірі кен өндіруші компаниялардағы еңбеккерлердің мүддесін қорғауда бағыт-бағдары айқын ұйым. Жақында кәсіподақтың төрағасы Уәлихан Нұржанов «Қазақметалл» кәсіподағы төрағасымен бірге Павлодар облысындағы Kaz Minerals Тобының Бозшакөл тау-кен, байыту кешенінде болды.
Уәлихан Нұржанов негізгі технологиялық процестермен, сондай-ақ, пайдалы қазбаларды өндіру және қайта өңдеу бойынша Қазақстандағы ірі кәсіпорындардың бірінде еңбек және тұру, бос уақыт жағдайларымен танысты.
Аймақтағы өндіріс нысанын аралау барысында төраға вахталық қалашыққа, оның ішінде жыл бойы жабық спорт кешеніне, медициналық пунктке, демалыс және демалыс орталығына, сондай-ақ тұрғын бөлмелерге барды.
Кездесуде қоғамдық бірлестіктер мен топ басшылары әлеуметтік әріптестіктің негізгі аспектілерін және әлеуметтік-еңбек қатынастарын реттеудің қазіргі заманғы тетіктерін одан әрі дамытуды талқылады. Кәсіподақ жетекшілеріне қызметкерлерді қолдау шаралары, оқыту және дамыту бағдарламалары туралы айтылды.
Сондай-ақ оқыңыз
Кеңес соңында қатысушылар әлеуметтік әріптестік, тығыз өзара тиімді ынтымақтастық Мемлекет басшысы Қасым-Жомарт Тоқаевтың заманауи қазақстандық қоғам құру бөлігінде атап өткен міндеттерді табысты шешудің кепілі болып табылатынын атап өтті.
Қазіргі уақытта KAZ Minerals Тобы қызметкерлерінің саны 9 мың адамнан асады, олардың басым бөлігі кәсіподақ ұйымдарында. «КәсіпҚорғанның» құрамында 5 мыңнан аса мүше бар.
Топ компаниялары қызметкерлер мен жұмыс берушінің мүдделерінің оңтайлы теңгерімін қамтамасыз етуді ескере отырып, әлеуметтік, еңбек және басқа да байланысты қатынастарды реттеудің жоғары стандарттарын ұстанады.
– Біз қазірдің өзінде өндірісте ең озық технологияларды қолданамыз. Сонымен бірге, кәсіпорын тек технологиялар мен механизмдер ғана емес. Бұл – ең алдымен, адамдар. Біз ұжыммен ұзақ мерзімді сындарлы қарым-қатынас орнатудың маңыздылығын түсінеміз. Біздің міндетіміз – адамдарды лайықты еңбек жағдайларымен және бәсекеге қабілетті жалақымен қамтамасыз ету ғана емес, сонымен қатар, оларды сенім мен өзара құрмет атмосферасында кәсіби іске асыру үшін жағдай жасау. Мұндай кездесулер барлық тараптар үшін өте пайдалы. Бұл жұмыс берушінің де, біздің қызметкерлердің де мүдделеріне сәйкес келеді, – деді KAZ Minerals Management басқарма төрағасы Эльдар Мамедов.
«КәсіпҚорған» кәсіподағының төрағасы Уәлихан Нұржанов өңірге сапары барысында Kaz Minerals Тобының Бозшакөл тау-кен, байыту кешені еңбеккерлерінің кәсіподақ ұйымының алдына қойып отырған талаптары ескеріліп, алдағы уақытта еңбек қатынастарын реттеуде, жұмысшылардың әлеуметтік жағдайын жақсартуға байланысты шараларды компания басшлығымен бірлесе атқаратындығын жеткізді.
– Кен өндіру, байыту салаларында Kaz Minerals Тобының Бозшакөл тау-кен, байы
ту кешені заманауи технологиялармен жабдықталғандығы компания басшылығының еңбек адамына деген оң пікірінің қалыптасқанын байқатады. Десе де, уақыт күттірмей шешетін мәселелер де жоқ емес. Мұндағы басшылық кәсіподақпен бірлесіп ұрпақтар сабақтасығын, еңбек әулетін қалыптастыруға ниетті екендіктерін жеткізді.
Қазір біз компания басшылығы мен еңбеккерлерінің тарапынан туындаған сұрақтар бойынша арнайы бағдарлама әзірлеу үстіндеміз. Бұл бастамалар аталмыш кешеннің еңбеккерлеріне жағымды жаңалық болары сөзсіз, – деді Уәлихан Қуанышбекұлы.
Бағдат ҚАЗКЕНОВ.
