Бүгінде ел аумағы бойынша мүшесі елу бес мыңнан асып жығылатын Тау-кен металлургия және аралас өндірісе ңбеккерлерінің «КәсіпҚорған» кәсіподағы «Қазақмыс» корпорациясы еңбеккерлерінің қорғаушысына да, қолдаушысына да айналды.
Әсіресе, кәсіподақтың филиалдары мен комитеттеріне, бастауыш ұйымдарына жүктелген міндет ауқымды. Жұмысшылардың мүдделері мен құқықтарын қорғау, еңбек жағдайын жақсарту, әлеуметтік мәселелерді шешу жолында бір ізді қағидаты қалыптасқан кәсіподақтың Жезқазған филиалы ағымдағы жылдың бірінші тоқсанын нәтижелі қорытындылады. Бұл жөнінде филиал төрағасы Ақылбек Төлепбергеновтің төрағалығымен өткен бастауыш кәсіподақ ұйымдары төрағаларының отырысында мәлімделді.
Ақылбек Сағиұлы үш айда атқарылған жұмыстарға талдау жасай келе, алдағы мақсат-міндеттердің ауқымды екендігін тілге тиек етті. Комитет төрағалары сәуір айында атқарылар шаралардың кейбіріне өзгерістер мен толықтыру жөнінде ұсыныстарын ортаға салды.
Сонымен қатар, жұмысшыларға шипажайға жолдама беру жөніндегі ережеге толықтырулар енгізуді ұсынды. Филиал қазіргі таңда Рамазан айында қайырымдылық акцияларын ұйымдастыруға, Еңбекті қорғау күнін лайықты атап өтуге кірісіп кетті.
Бағдат АЙТӨРЕҰЛЫ.
