«Қорғау қызметі» ЖШС Жезқазған филиалы күзетшілерінің біліктілігі мен физикалық тұрғыдағы дайындығын шыңдау мақсатында «КәсіпҚорған» кәсіподағы комитетінің ұйымдастыруымен «Кәсібінің үздігі» байқауы бастау алды.
Аталмыш байқау екі кезеңнен тұрады. Бірінші кезекте күзетшілер техника қауіпсіздігі және Күзет қызметі туралы заң нормаларынан тестік жүйеде білімдерін сынады. Ал, екінші кезеңде олар физикалық тұрғыдан дайындықтарын пысықтауда.
Кәсіподақ комитетінің төрағасы Жанна Ерғалиеваның айтуынша, мұндай кәсіби тұрғыдағы байқаулар күзетшілерді жан-жақты дайындыққа бағыттап, білімдерін арттырады. Алдағы уақытта байқау жеңімпаздарының есімдері де белгілі болып, арнайы жүлделермен марапатталатын болады.
Бағдат ҚАЗКЕНОВ.
