Сондай-ақ оқыңыз
«Батыс» кенішіндегі «КәсіпҚорған» кәсіподағы комитетінің ұйымдастыруымен еңбеккерлер арасында бильярд ойынынан жарыс өтті.
Кеншілер қауымының арасынан бильярд ойынына қызығушылығы барлары бәсекеге белсене атсалысып, жеңімпаз атануға тырысты. Кәсіподақ төрағасы Абзал Байсалбаевтың айтуынша, жарыс өте тартысты әрі қызықты өтті. – Жарысқа қатысушылардың басым бөлігі әуесқой ойын түрімен шұғылданады. Біздің мұндай жарыстарды ұйымдастырудағы мақсатымыз – еңбек ұжымы арасында ауызбіршілік пен ынтымақты нығайтып, кәсіподақтың беделін көтеру, сонымен қатар, еңбеккерлеріміздің бос уақытын тиімді ұйымдастыру. Бұл жарыс алдағы уақытта да өз жалғасын табады, – деді төраға. Тартысты бәсекенің қорытындысында бірінші орынды конвейер телімінен Марғұлан Еділбаев жеңіп алса, екінші орынды бұрғылау, жару жұмыстары телімінен Қолдасбек Жылқайдаров еншіледі. Үшінші орынның тұғырынан еңбек және жалақы бөлімінің қызметкері Медет Білжанов көрінді.
Бағдат ҚАЗКЕНОВ.
