«Қазақмыс» компаниялар тобының қызметкерлері үшін Металлург күнін атап өтудің басты оқиғасы – үздік қызметкерлерді салалық және мемлекеттік наградалармен марапаттау болды.
Балқаш қаласының әкімі Сапар Сатаевметаллургтерге жылы лебізін білдіріп, «ҚазақмысСмэлтинг» ЖШС тоғыз қызметкеріне облыс және қала әкімінің Алғыс хаттарын табыс етті.
Мерекелік шараны «Қазақмыс Смэлтинг» ЖШС бас директоры Жәнібек Байғабелов жалғастырды. Әріптестеріне ізгі ниетін білдіре келе, сегіз қызметкерді «Қазақмыс» Холдинг ЖШС директорлар кеңесі төрағасының, «Қазақмыс» корпорациясы» ЖШС басқарма төрағасының және «Қазақмыс Смэлтинг» ЖШС бас директорының Құрмет грамоталарымен марапаттады.
Мерекенің ең қуанышты оқиғасы металлургия кәсіпорнының сегіз қызметкерінің ІІ, ІІІ және І дәрежелі «Еңбек даңқы» төсбелгілерімен марапатталуы болды.
Марапаттау рәсімін «Қазақмыс Смэлтинг» ЖШС өндірістік директоры Марат Әубәкіров өткізді. ІІ және ІІІ салалық белгімен Саят Аманбеков, Валерий Тастанбеков, Тұрғанбек Дуанбеков, Айдар Түсіпбеков, Ерболат Шәкіров, Евгений Сивун, Манат Сарбасов, Рашид Аманбеков марапатталды. Ал, І дәрежелі «Еңбек даңқы» төсбелгісін Сейтқали Сағалов пен Рашид Ахметов омырауына тақты. Қос өндіріс озаты осы жылғы мерекеде «Еңбек даңқы» төсбелгісінің толық иегерлері атанды.
Бағдат ҚАЗКЕНОВ.
