Сондай-ақ оқыңыз
«Қазақмыс» корпорациясы еңбеккерлерінің арасында салауатты өмір салтын насихаттап, спортқа деген қызығушылықтарын арттыруды көздеген «КәсіпҚорған» кәсіподағы Жезқазған филиалы мен «Jastar Bolahsq» Жастар одағы бірлесіп ұйымдастырып келе жатқан спартакиада өндірістегі жүздеген әуесқой спортшының бағын жандырды.
Өндірісте еңбек етіп жүрсе де спортқа деген қызығушылықтарының арқасында топ жарған жекелеген ойыншылар мен командалар өз кәсіпорындарының намысын қорғады. Үшінші жыл қатарынан ұйымдастырылған спартакиада аясында футзалдан жеңімпаздар анықталды. Үш аптадан аса созылған бәсекеге «Қазақмыс» корпорациясының Жезқазған аймағындағы барлық кәсіпорындардан командалар қатысты. Солардың қатарынан үш команда оқ бойы озық шықты. Футзалдан өткен ойында бірінші орынды №1 Жезқазған байыту фабрикасының командасы жеңіп алса, «Транко Жез» ЖШС екінші орынды еншіледі. Ал, үшінші орынға №2 Жезқазған байыту фабрикасының командасы тұрақтады.
Бағдат ҚАЗКЕНОВ.
