Жезқазған мыс қорыту зауытының күкірт-қышқылы цехында көптен бері туындап келе жатқан мәселе өз шешімін тапты. Бұған дейін жұмысшылар, кезекші мамандар мен жедел қызметтердің арасындағы байланыс тұрақсыз болатын.
Цехтың кейбір аумақтарында мобильді және ішкі байланыс сигналдары әлсіз немесе мүлде болмайтын. Бұл жағдай өндірістегі тиімділікке өз әсерін тигізіп келген еді.
Еңбек жағдайын жақсарту аясында тасымал радиостанциялар орнату туралы шешім қабылданды. Енді цехтың кез келген нүктесінде жедел дауыс байланысы қол жетімді бола түсті. Төтенше және штаттан тыс жағдайларда ақпарат беру уақыты жеделдетілді. Ауысымдар мен техникалық қызметтер арасындағы өзара әрекет жақсарды.
Байланыс тораптарын қалыпқа келтіру нәтижесінде өндірістегі жалпы қауіпсіздік деңгейі артты. Бұл мүмкіндікке «Қазақмыс Смэлтинг» ЖШС басшылығы арқылы жол ашылды.
