«Нұрқазған» кенішінде спортты серік еткен еңбеккерлердің жетістіктері – ұжымның мақтанышы. Талай додаларда топ жарып, белестерді бағындырған Есен Құлахметовті нұрқазғандықтар әмбебап спортшы ретінде жақсы таниды.
Ол үстел теннисінен өткен облыстық, республикалық жарыстарда жүлдегер атанып жүр. Есен Ақтайұлы елімізде енді дамып келе жатқан бразилиялық «JIU-JITSU және GRAPPLING» спорт түрін меңгеруде. Оның бұл қадамы да сәтті. Жақында Қарағанды қаласында өткен «KARAGANDA OPEN» республикалық турнирінде бірінші орынды жеңіп алды. 77 келі салмақта бақ сынаған Есет Құлахметовтің қарсыластары да осал болмаған.
«Нұрқазған» кенішінің модульдық жылы-энергетикалық және ауа-жылытқыш қондырғылар телімінде тасымалдаушы болып еңбек ететін Есет Құлахметов алдағы уақытта халықаралық дәрежедегі жарыстарда – байрақты бәскелерде бақ сынамақ ойда.
Бағдат АЙТӨРЕ.
