«Жезқазған медициналық орталығы» ЖШС «КәсіпҚорған» кәсіподағы бастауыш ұйымының төрағасы Ләззат Көшекова орталыққа қарасты Сәтбаев қаласындағы емхана мен отбасылық денсаулық орталығында болды.
Ләззат Тәженқызы қос мекеменің ақ желеңді абзал жандарымен кездесу барысында «КәсіпҚорған» кәсіподағы тарапынан атқарылған жұмыстарды баяндай келе, биылғы жылы ұйым төрағасының тапсырмасымен іске қосылған «KasipQorgan» мобильдік қосымшасының артықшылығының мол екенін тілге тиек етті. Сонымен қатар, бастауыш ұйым төрағасы жұмысшы мен жұмыс беруші арасындағы келісім-шарттағы басымдықтарды да түсіндірді.
– «КәсіпҚорған» кәсіподағы заман талабына сай қызметін мобильдік жүйеде жандандыра түсуде. Смартфон арқылы ұйым ұсынған кез-келген қызметті жеңілдікпен алу мүмкіндігі қалыптасты. Әрине, бұл кәсіподақ мүшелері үшін өте қолайлы. Үйден шықпай-ақ, қосымша арқылы қалаған қызметтеріңізге қол жеткізе аласыздар, – деді Ләззат Көшекова. Ләззат Тәженқызы дәрігерлер тарапынан кәсіподақ ұйымының қызметіне қатысты туындаған сауалдарға жауап беріп, ашық диалог өрбітті.
Бағдат ҚАЗКЕНОВ.
Сондай-ақ оқыңыз
