«Қазақмыс» корпорациясы» ЖШС Басқарма төрағасы Нұрахмет Нұриев пен Ұлытау облысы әкімі Берік Әбдіғалиұлы қайта құрылымдалып жатқан Металлургтер алаңына барды.
Жезқазғанның бас алаңын қайта жаңарту корпорация мен облыс әкімдігі арасында қол қойылған Ұлытау облысын дамыту жөніндегі меморандум шеңберінде жүргізілуде. Жүргізілетін жұмыстардың жалпы ауданы – 0.7 гектарды қамтиды, оның ішінде 5600 шаршы метр көлемінде жол жабыны ауыстырылуда.
Жаңартылған аумаққа 30 бөртегүл (сирень) ағашы мен 40-қа жуық жеміс ағашы отырғызылатын болады. Сондай-ақ, алаңда субұрқақ салынады. Аумақ жасыл желектермен қоршалып, тамшылатып суару қарастырылған.
Саябаққа 4 ойын алаңын орнату жоспарлануда, олардың екеуі қазіргі күні облыс орталығына жеткізілді. Жобада орындықтар орнату мен жарықтандыру қарастырылған. Алаңның ортаңғы бөлігінде орнатылған ескерткіш, сондай-ақ жасыл желектің көп бөлігі сақталады.
«Қазақмыс» корпорациясы» ЖШС Басқарма төрағасы Нұрахмет Нұриевтің айтуынша, алаңға бейнекамераларға арналған стендтер орнатылып, полиция пунктінің жұмысы жолға қойылады деп көзделген.
Металлургтер алаңын қайта жаңарту биылғы жылдың аяғына дейін аяқталады деп жоспарлануда.
«Қазақмыс» корпорациясы» ЖШС баспасөз қызметі.
