«Қазақмыс» корпорациясы» ЖШС «Жезқазғантүстімет» өндірістік бірлестігіне Үлкен Жезқазғанның негізін қалап, оның қазба байлығының көзін ашқан қазақтан шыққан тұңғыш геолог, академик, дала дарыны Қаныш Сәтбаевтың есімі берілді.
Бүгінгі өндірісті өлкенің мыстың отаны атануына өлшеусіз үлес қосқан Қаныш Имантайұлының атымен өндірістік бірлестіктің қайта аталуы академиктің ұлы еңбегін ұлықтаудың айқын көрінісі.
Айта кеткен жөн болар, «Қазақмыс» корпорациясының бұл филиалы 1997 жылға дейін Қаныш Сәтбаев атындағы Жезқазған тау-кен, металлургия комбинаты болып аталып келген болатын. Араға 27 жыл салып, академиктің 125 жылдық мерейтойында ұлттың ұлы перзенті есімінің қайта оралуы – елдігіміздің мәртебесі!
Бағдат ҚАЗКЕНОВ.
