Жуырда Жезқазған қаласында Аграрлық несие корпорациясының кеңсесі салтанатты түрде ашылды. Ашылу рәсіміне Ұлытау облысының әкімі Берік Әбдіғалиұлы мен «Бәйтерек» ҰБХ АҚ-ның Басқарма төрағасы Қанат Шарлапаев арнайы қатысып, кеңсенің лентасын қиды.
Орайы келгенде айта кетейік, Ұлытау облысы бойынша 2022 жылы Аграрлық Несие Корпорациясы арқылы 2 млрд. 284 млн. теңгеге барлығы 161 несие берілген. Оның ішінде АгроБизнес бағдарламасы бойынша 58 несие, барлығы 1 млрд. 496 млн. теңгеге берілді.
– 2023 жылы өңірімізде 1 млрд. 807 млн. теңгеге 120 несие мақұлданды. Оның ішінде соммасы 1 млрд. 102 млн. теңгені құрайтын 33 несие «АгроБизнес» бағдарламасы арқылы болса, соммасы 25 млн.теңге болатын 2 несие «Кең дала» бағдарламасы арқылы берілді. Алдағы уақытта да бірлескен жұмыстар ауыл шаруашылығын дамытуға үлесін қосатынына сенеміз, – деді Ұлытау облысының әкімі Берік Әбдіғалиұлы салтанатты рәсімде.
Ұлытау облысының тұрғындары үшін Аграрлық несие корпорациясының Жезқазған қаласындағы кеңсесі Ғарышкерлер бақжолы, 40 А мекенжайында қызмет көрсетеді.
Сондай-ақ оқыңыз
Ізтай БЕЛГІБАЙҰЛЫ.
