1 желтоқсан – Дүниежүзілік ЖИТС-ке қарсы күрес күнінің биылғы ұраны осындай. Бұл күнге арналған айлық облысымызда да басталды.
Статистикаға сүйенсек, Ұлытау облысында АИТВ індетін жұқтырған 165 жағдай тіркелген. Жезқазған қаласының өзінде ғана – 116, Сәтбаев қаласында – 32, Қаражалда – 8, Ұлытау ауданында – 1, Жаңаарқа ауданында 8 жағдай анықталып отыр. Адамның иммун тапшылығының вирусы – бұл СПИД-тің бастапқы түрі болып есептеледі. Оны одан бетер асқындырып алмау аса маңызды. Мамандар иммун тапшылығы вирусы жайлы жастарға түсіндіру жұмыстарын жүргізіп, арнайы дайындалған ақпараттармен бөлісуді мақсат етіп отыр.
Бұл кеселге тап болғандар, өздерінің ЖИТС-пен ауырғандығын бірден сезе алмайды. Ал, білген кезде тым кеш болуы мүмкін. Ең дұрысы, қауіпсіздік және сақтық шараларын бірінші орынға қою. Айта кетейік, орталыққа барып тексерілу қызметі тегін және жасырын өтеді.
Гүлім МАРАТҚЫЗЫ.
Сондай-ақ оқыңыз
