«КәсіпҚорған» кәсіподағы Жезқазған филиалының төрағасы Ақылбек Төлепбергенов жуырда Ұлытау облысы бойынша Қазақстан Республикасы Адам құқықтары жөніндегі ұлттық орталығының өкілі Аманжол Кәрімовпен кездесті.
Жүздесу барысында қос тарап адам құқықтарын қорғаудағы бағыттарды бірлесе жүзеге асырудың жолдарын талқылады.
Аманжол Кәрімов сөз барысында: – Адам құқықтары жөніндегі уәкіл – адам құқықтарын қорғауға және қамтамасыз етуге бағытталған арнаулы мемлекеттік лауазым. Сондықтан екі тарап адам құқығын қорғау құзыреттері мен басымдықтарын үйлестіру бойынша тығыз ынтымақтастық қажет екендігін сараптадық. Бұл кездесу біздің еңбек адамының құқығын қорғау жөніндегі жұмысымызды жақсартуға жақсы көмек болатынына сенімдіміз, – деді.
Кәсіподақтың Жезқазған филиалы бойынша төрағасы Ақылбек Сағиұлы Ұлытау облысы бойынша Қазақстан Республикасы Адам құқықтары жөніндегі ұлттық орталығының өкілі тарапынан ұсынылған кейбір ұсыныстарды бірлесе жүзеге асыруға ниетті екендігін жеткізді.
Бағдат ҚАЗКЕНОВ.
