Сервистік өндіріс кешеніндегі «КәсіпҚорған» кәсіподағы комитетінің төрағасы Серік Алтынбеков 29 мамырда атап өтілген электр-газбен дәнекерлеушілердің кәсіби мерекесі мен 1 маусым – Халықаралық балаларды қорғау күніне орай мамандандырылған жөндеу-механикалық басқармасында айшықты шара ұйымдастырды.
Кәсіподақ ұйымы ұйытқы болған жиыннда мамандандырылған жөндеу-механикалық басқармасының директоры Георгий Юсупов өндірістік нысандарда дәнекерлеуші мамандығына адалдық танытып, кәсіби шеберлігімен шыңдалған еңбек озаттарына алғысын білдірді. Сонымен қатар, басқарма басшылығы мен кәсіподақ тарапынан үздіктерге Георгий Евгеньевич Құрмет грамоталарын тапсырды.
Үздік дәнекерлеушілерге құрмет көрсетілген бас қосу Халықаралық балаларды қорғау күніне орайластырып ұйымдастырған еңбеккерлердің балаларының шығармашылық байқауын қорытындылауға ұласты. Байқау жеңімпаздары кәсіподақ тарапынан марапатқа ие болды.
