Балаларға арналған ерекше сәт – құрғақ субұрқақты іске қосу рәсімі болды.
Жүргізушілер мен аниматорлар балаларды «сиқырлы сөзді» бірге айтуға шақырып, көңілді керней мен керемет әсерлі дыбыстық эффектілермен бірге субұрқақ іске қосылды. Бұл сәтте балалар көкке гелий шарларын ұшырды – қала аспанын түрлі-түсті қуаныш бояды.
Жаңа алаңның ашылу салтанаты мерекелік бағдарламаға ұласты. Театралды қойылымдар, балалардың өнер көрсетулері, ән-би, өлең оқу, арт-зонада сурет салу байқаулары өтті. Ең белсенді қатысушыларға балмұздаққа арналған купондар таратылды. Ал «Таза қала – бақытты балалық шақ!» атты экологиялық акцияда балалар пластик бөтелкелерді тапсырып, орнына тәтті балмұздақпен марапатталды.
Ізтай Белгібайұлы.
Сәтбаев қаласының жаңа демалыс аймағы – бұл тек құрылыс нысаны емес, бұл – болашаққа бағытталған сенімді қадам, қаланың жаңа тынысы мен балаларға арналған шынайы сый.
