11 – 15 ақпан аралығында Астанада еліміздің ірі жұмыс берушілерінің басын қосқан «Жұмысшы мамандықтар қаласы» фестивалі өтті. «Қазақмыс» Тобы аталған шарада өзінің озық технологиялары мен білім беру бағдарламаларын және әлеуметтік жауапкершілігін көрсетуге мүмкіндік алды.
«Жұмысшы мамандықтар қаласы» фестивалі аясында ҚР Президенті Қасым-Жомарт Тоқаев «Қазақмыс» Тобының «Металлургтер үйіне» келді.
Болашақ байытушы, «Қазақмыс» корпорациясы политехникалық колледжінің студенті Ерсұлтан Шақар Мемлекет басшысына мыс өндірудің ұсақтау мен байытудан бастап, балқыту мен электролизге дейінгі кезеңдері туралы айтып берді. Үдерістер оқыту қондырғылары арқылы көрсетілді.
Қазір Ерсұлтан Шақар «Пайдалы қазбаларды байыту» мамандығының 3-курс студенті. Ол оқуын аяқтаған соң кепілдік бойынша «Қазақмыс» кәсіпорнына жұмысқа қабылданады.
Сондай-ақ оқыңыз
Айта кетейік, «Жұмысшы мамандықтар қаласы» фестивалі ҚР Оқу-ағарту министрлігінің, ұлттық компаниялар мен ірі кәсіпорындардың қолдауымен ұйымдастырылды. Бұл – Президент жариялаған «Жұмысшы мамандықтар жылы» аясындағы алғашқы ауқымды іс-шара.
«Қазақмыс» корпорациясы» ЖШС PR департаменті.
