Астана қаласында «Жаңа Адамдар» атты республикалық науқан аясында ауқымды сейшн өтті. Бұл ерекше шараға «Қазақмыс» корпорациясының жастары әрі «Jastar Bolashaq» Жастар одағының мүшелері қатысу мүмкіндігіне ие болды.
Сейшннің басты қонағы – Қазақстан Республикасының Президенті Қасым-Жомарт Кемелұлы Тоқаев болды. Президент жастардың рөлі, жұмысшы жастардың маңызы және олардың болашағы туралы маңызды ойлар айтты. Сондай-ақ, «Жаңа Қазақстан» тұжырымдамасы жаңаша ойлайтын, белсенді жастардан басталатынын атап өтті.
Сейшннің басты мақсаты – Қазақстанның түпкір-түпкірінен жиналған белсенді жастардың басын қосып, жаңа көзқарастармен, идеялармен бөлісу, өзара тәжірибе алмасу және болашақ үшін маңызды қадамдар жасау. Бұл алаңда жастар өзара пікір алмасып, жаңа достар тауып, өздерінің даму бағытын айқындауға мүмкіндік алды.
Шара барысында қатысушылар үшін ерекше тәжірибе виртуалды coin-валюта жинау ұйымдастырылды. Қатысушылар белсенділік танытып, коиндарды жинау арқылы оларды мерчтер мен түрлі қызметтерге айырбастау мүмкіндігіне ие болды. Бұл формат жастар арасында достық қарым-қатынасты нығайтып, интерактивті тәжірибе алмасуға жол ашты.
Сондай-ақ оқыңыз
Бағдат ҚАЗКЕНОВ.
