Жезқазған мыс қорыту зауытындағы «КәсіпҚорған» кәсіподағы комитеті мен «Қазақмыс» корпорациясы» ЖШС еңбеккерлерінің «Jastar Bolashaq» Жастар одағы бірлесіп, ел егемендігінің 33 жылдығына орай шағын футболдан турнир ұйымдастырды.
Бұл додаға өндіріс ошағындағы барлық цехтан ала доп бәсекесі десе делебесі қозатын жігіттердің командасы қатысты. Турнирге қатысушыларға Жезқазған мыс қорыту зауытының директоры Саят Әтен жеңіс тіледі.
Ойын барысында шағын футболда өздерінің мықтылығымен көзге түскен мықтылар анықталды. Ала доп жарысында спортқа деген ерекше ықыластарын танытқан балқыту цехының командасы ІІІ орынды иеленді. ІІ орынды мысты электролиздеу цехы еншіледі. Слесарь-жөндеу және арнайы жұмыстар цехы турнирдің жеңімпазы атанды.
Бағдат ҚАЗКЕНОВ.
