Қазақстан Республикасы Президенті жанындағы Мемлекеттік басқару академиясының 30 жылдық мерейтойы аясында «Жобалық басқаруды енгізудегі Мемлекеттік басқару академиясының орны мен бюрократиядан арылу жолдары» тақырыбында кездесу ұйымдастырылды.
Кездесу Ұлытау облысы бойынша филиалының қайта даярлау курсы тыңдаушылары – жас мемлекеттік қызметшілерге жобалық менеджменттің мәнін түсіндіру негізінде өткізілді. Мемлекеттік басқару академиясының Ұлытау облысы бойынша филиалы директоры Ербол Байғазиев алдымен академияның атқарған жұмысына тоқталды.
Одан әрі Ұлытау облысында «Жайлы мектеп», «Қолжетімді Интернет» және «Ауылда денсаулық сақтауды жаңғырту» Пилоттық Ұлттық жобалардың бүгінгі күнде жүзеге асуы талқыланды. Жиында Ұлытау облысының құрылыс, сәулет және қала құрылысы, денсаулық сақтау, білім, цифрлық технологиялар басқармаларының Жобалық жұмыспен айналысатын мамандары өз мәселелерін ортаға салды.
Кездесу нәтижесінде Ұлытау облысындағы Жобалық басқару принциптерінің орындалып жатқанын, облыс басшыларының осы бағытқа көп мән беретіні және осы жұмысты әрі қарай жалғастыру қажеттілігі анықталды.
Гүлім МАРАТҚЫЗЫ.
