Кейуана биыл құжатқа сәйкес 114-ке келді. Түймегүл Темірбаева Жаңаарқа ауданы, Қызылжар ауылының тұрғыны.
Қазіргі таңда әжейдің 15 немере, 25 шөбересі бар. ҚР Еңбек және халықты әлеуметтік қорғау министрлігінің ақпаратына сәйкес, жерлесіміз Қазақстандағы жасы ең үлкен адам.
Қарттығын ұрпақтарының ортасында өткізіп отырған апамыз 1910 жылы 1 қаңтарда Жамбыл облысы, Байқадам ауданында өмірге келген. Тұрмысқа шыққаннанкейін Арқа даласына қоныс аударып, өмір бойы ата кәсіпті серік етеді. Азаматы – Аязбай Темірбаев атамыз 96 жасында өмірден озыпты.
Сүйегі асыл жаннан тараған 4 баланың алды бүгінде 70-ке жақындаса, ең кішісі 60-қа келеді.
Өз тілшіміз.
