Түсті металлургияның өркендеп дамуына үлес қосып, бүгінде еңбегімен елеулі болған озаттарға жайылған «Байқоңыр» қонақүйіндегі ақ дастарқанға «Қазақмыс» корпорациясы» ЖШС Бас директоры Нұрахмет Нүриев, Ұлытау облысының әкімі Берік Әбдіғалиұлы, «Қазақмыс Смэлтинг» ЖШС Бас директоры Жәнібек Байғабелов қатысты.
Мерекелік жиында өндірістің өркендеуі жолында тер төккен аға буын ұлықталды. «Қазақмыс Смэлтинг» ЖШС Бас директоры Жәнібек Алтынбекұлы сара жол салып кеткен ардагерлерге халқымыздың дәстүріне сай иықтарына шапан жауып, ризашылығын білдірді.
Металлургтерге корпорация, облыс, «Қазақмыс Смэлтинг» ЖШС басшылығы тарапынан сый-құрмет көрсетілді. Салтанатты шарада «Құрметті металлург» атағы, «Еңбек ардагері» медалі озаттарға тапсырылды.
«КәсіпҚорған» кәсіподағы төрағасының орынбасары Қуандық Рахметов ұйым тарапынан мереке иелеріне ыстық ықыласын білдіре келіп, Жезқазған мыс қорыту зауытының үздіктеріне «Еңбек даңқы» төсбелгісін тапсырды. Кәсіби мерекеде балқыту цехының шебері Ибрахимхалил Дүйсенбаев ІІ дәрежелі «Еңбек даңқы» төсбелгісін омырауына тақты.
Сондай-ақ оқыңыз
ІІІ дәрежелі «Еңбек даңқы» төсбелгісіне балқыту цехының балқытушысы Серік Садуов, күкірт қышқылы цехының аппаратшысы Әбдел-Қасым Әлменов, мысты электролиздеу цехының слесарь-жөндеушісі Александр Бутыгин, от төзімдеу цехынан от төзімдеуші Батырғали Махметов, балқыту цехының конверторшысы Ержан Омаров, шихта дайындау цехының күйдірушісі Сабыржан Тоқбаев, балқыту цехының балқытушысы Бейбіт Ахметбеков ие болды.
Арнайы жұмыстар цехының электрмонтері Сергей Колесник, мысты электролиздеу цехының аға шебері Руслан Садық, аталған цехтың электролизшісі Николай Селиванов, күкірт қышқылы цехының аппартшысы Сағынжан Бекқожин, жы-
лу, электр желілері цехының басшысы Ғалым Сүлейменов те ІІІ дәрежелі «Еңбек даңқы» төсбелгісінің иегері атанды.
Бүгінгі күні Мемлекет басшысы Қасым-Жомарт Тоқаевтың тарапынан басымдыққа ие болып отырған саланың әлеуетін әлдендіру жолында өлшеусіз еңбек сіңіріп жүрген жезқазғандық металлургтердің мәртебесі мерекеде тағы бір асқақтады.
Бағдат ҚАЗКЕНОВ.
