Тілшілер дін тақырыбындағы семинарға қатысты
Дін тақырыбында қалам тербейтін тілшілер салалық мамандармен тығыз жұмыс істеуі керек. Мұндай ұсыныс журналистерге арналған арнайы
семинарда көтерілді. Ақпарат құралдары бетінде жарық көретін мақалалар халыққа барынша түсінікті әрі қолжетімді болуы тиіс. Бұл ретте кәсіби біліктілікті үнемі шыңдау – маңызды
Семинарды қаламызға арнайы келген ҚР Мәдениет және ақпарат министірлігі, Дін істері комитетінің интернет кеңістікте діни экстремизмнің алдын алуды үйлестіру басқармасының басшысы Жапал Долиев жүргізді. Оған облыстың тілшілері мен ақпарат саласында жүрген мамандар қатысты. Спикер дін туралы жазатын тілшілердің саны аз және ақпаратты кейде дұрыс жеткізбей жататынын жеткізді. Сондықтан, еліміздің жоғары оқу оындарында діни журналистиканың курсын ашу маңызды деп санайды.
Әлеуметтік желіде дінге қатысты жалған ақпараттар өріп жүр. Оны ауыздықтау да бүгінгі күннің өткір мәселесінің бірі. Семинарға қатысқан «Creative Unity» ҚБ басшысы Мадина Жиембаева тек расталған ақпаратқа жүгінуге кеңес берді.
Семинар 2 бөлімнен тұрды. Бірінші бөлім тілшілерге арналса, екінші бөлім әлеуметтік желідегі ақпараттарға арналды. Жиыннан бұқаралық ақпарат құралдары өкілдері тек мол мәлімет алумен шектелмей, білікті мамандармен тәжірибе алмасуға мейлінше мүмкіндік алды.
Гүлім МАРАТҚЫЗЫ.
