Міне, санаулы күндерден соң 2024 жылды қарсы алғалы отырмыз. Әрбір жыл өзінің ерекшелігімен есте қалары сөзсіз. Әсіресе, жаңа жыл алдындағы балалардың қуанышына жетер шаттық жоқ шығар, сірә?! Балақайларға осындай мерекелік көңіл күй сыйлауды тау-кен, металлургия және аралас өндіріс еңбеккерлерінің «КәсіпҚорған» кәсіподағы дәстүрге айналдырған.
Кәсіподақтың Жезқазған филиалы «Қазақмыс» корпорациясының түрлі құрылымдарында еңбек ететін еңбеккерлердің балаларына арнап, Жезқазған, Сәтбаев қалаларында жаңажылдық шырша ұйымдастырды. Жасыл шырша маңына топтасқан балақайлар шат-шадыман, көңілді күйде мерекенің лебін сезінді.
Жалпы, «КәсіпҚорған» кәсіподағы «Қазақмыстың» құрылымдары орын тепкен аймақтардың барлығында да жыл сайын жаңажылдық ертеңгілік ұйымдастырып келеді. Бұл ұйым үшін бұлжымас қағидаға айналған.
Бағдат ҚАЗКЕНОВ.
