Елімізде 2017 жылдың 29 қазанынан бастап күзет қызметкерлерінің кәсіби мерекесі бекітілді. Бұл атаулы күнді жекеменшік күзет ұйымының қызметкерлері 2018 жылдан бері атап өтіп келеді.
Осы мерекеге орай «Қорғау қызметі» ЖШС Жезқазған филиалында сала мамандарына құрмет көрсету дәстүрге айналған. Салтанатты жиынға мекемедегі «КәсіпҚорған» кәсіподағы мен филиал басшылығы ұйытқы болды. Оған «Amanat» партиясы «Қазақмыс» корпорациясы» ЖШС жанындағы Ұлытау облыстық филиалының, «Қазақмыс» корпорациясы» ЖШС еңбеккерлерінің «Bolashaq» Жастар одағының өкілдері қатысып, өндірістік нысандардың қорғалуына күш салып жүрген күзетшілерге жылы лебіздерін арнап, сый-сияпат тапсырды.
Бірқатар күзет саласының қызметкерлері «КәсіпҚорған» кәсіподағының Құрмет грамотасына және Алғыс хатына ие болды. Филиал директорының міндетін атқарушы Ғазиз Әділбеков ұжымды мерекемен құттықтап, үздіктерді марапаттады.
Бағдат ҚАЗКЕНОВ.
