Жезқазған, Қарағанды және Балқаш өңірлерінде байытушыларға арналған «Шеберлер мектебі» бағдарламасының үшінші модулі сәтті өткізілді. Бұл жолы қызметкерлерді дамыту және ынталандыру тақырыбына ерекше назар аудару туралы шешім қабылданды.
Модуль аясында қатысушылар тиімді басқару тетіктерін біліп қана қоймай, сонымен қатар оқыту және өзін-өзі дамыту саласында жұмыс құралдарын қалай пайдалану керектігін анықтауға дағдыланады.
– Маған «Қазақмыстың» көзқарасы және мұндағы жаттығулардың бір орында тұрмай, дамып, заман ағымына ілесіп жатқаны ұнайды. Кәсіпорынның өз қызметкерлерінің дамуына инвестиция салғаны қуантады. «Шеберлер мектебіне» келетін болсақ, өткен модульдердің тақырыптары біз үшін кәсіби даму тұрғысынан ғана емес, өмірде де пайдалы болды. Оқытудың жоғары ұйымдастырылғанын ерекше атап өткім келеді. Алдағы уақытта өңірлерге барып зауыттар арасында тәжірибе алмасуды ұйымдастырған дұрыс, – деп бағдарламаға қатысудан алған әсерімен бөлісті Балқаш байыту зауытының конвертер қожын өңдеу, қоюландыру және сүзу цехының ауысым шебері Бауыржан Бегдербеков.
Қазіргі уақытта модульдік бағдарламаның басым бөлігін қатысушылар игеріп үлгерді. Алда оларды басқару мен ұжымдық өзара әрекеттестіктің барлық қыр-сырын қорытындылауға мүмкіндік беретін соңғы төртінші модуль күтіп тұр.
«Қазақмыс» корпорациясы» ЖШС
баспасөз қызметі.
