Жезқазған байыту фабрикасындағы «КәсіпҚорған» кәсіподағы комитетінің төрағасы Майра Әлбаттина өндірс нысанындағы цехтарда болып, ондағы еңбек жағдайларымен танысуды дәстүрге айналдырған.
Майра Ерғалиқызы бұл жолы № 2 ұнтақтау корпусының тоғызыншы бригадасында болып, жұмыскерлермен кездесті.
Бас қосу барысында төраға «Архимедс» ерікті медициналық сақтандырудағы қосымша өзгерістерді, Ұжымдық келісім-шарттың бірнеше баптары бойынша түсіндірме жұмыстарын жүргізді. Сонымен қатар, шипажайларға жолдамалар мен жаттығу залдарына абонемент алу жөніндегі сұрақтарға жауап берді. Кездесу соңында бригадирдің сұранысына сай ұжымның ас қабылдау бөлмесіне кәсіподақ аты-
нан қысқатолқынды пеш сыйға тарту етілді.
Бағдат ҚАЗКЕНОВ.
